18 mart 2026-cı il tarixində Zərdab rayonunun Heydər Əliyev Parkında Zərdab Rayon İcra Hakimiyyəti, Zərdab rayonu üzrə Gənclər və İdman sektoru, Gənclər evi SXM-i, Rayon Təhsil Sektoru, Uşaq və Ailələrə Dəstək Mərkəzi və Mədəniyyət Mərkəzinin birgə təşkilatçılığı ilə Novruz şənliyi keçirildi.
Qanunla.Az xəbər verir ki, tədbirdə şəhid atası Qədir Hüseynov,Yeni Azərbaycan Partiyası Zərdab rayon təşkilatının sədri İlkin Əliyev, Zərdab rayonu üzrə Gənclər və İdman sektorunun müdiri Əvəz Soltanov, Gənclər Evi SXM-in direktoru İlqar İsayev, Uşaq və Ailələrə Dəstək Mərkəzinin direktoru Ləman Səfərəliyeva çıxış edərək Novruz bayramı münasibətilə tədbir iştirakçılarını səmimi-qəlbdən təbrik edib, Ulu Öndər Heydər Əliyevin əsasını qoyduğu dövlətçilik ənənələrinin bu gün möhtərəm Prezident İlham Əliyev tərəfindən uğurla davam etdirildiyini vurğulayıb, ölkəmizə davamlı inkişaf, əmin-amanlıq və rifah arzulayıblar. Tədbirdə idmançıların nümunəvi çıxışları izlənildi və bayram konserti ilə davam etdirildi.
