Moldova Rusiyaya onun bank sistemi vasitəsilə Qərbin sanksiyalarından yan keçməyə imkan verməyəcək.
Qanunla.az xəbər verir ki, bu barədə Moldova Prezidenti Maya Sandu deyib.
“Bilirəm ki, sanksiyalar ətrafında çoxlu müzakirələr gedir. Rusiyanın Moldova bank sistemi vasitəsilə sanksiyalardan yan keçə bilməsi riski yoxdur: biz Rusiya mallarının Moldova vasitəsilə təkrar ixracına icazə verməyəcəyik”, – Sandu bildirib.
Maldova prezidenti Rusiyadan qaz idxalı məsələsinə də toxunub:
“Rusiya ilə iqtisadi münasibətlərin digər aspekti qazın alınmasıdır. Bizim yalnız bir təchizatçımız var, ona görə Rusiyadan qaz almaqdan imtina edə bilmərik. Bu vəziyyətdə olan yeganə ölkə də yalnız biz deyilik”.
