“Azəriqaz” İB-nin Baş direktoru Ruslan Əliyev bir müddət öncə abonentin fiziki hücumuna məruz qalmış Ağamirzə Vəliyevə baş çəkib.
Bu barədə Baş direktor açiqlamasında bildirib.
Dəyərli dostlar!
Bir neçə gün öncə xidməti vəzifəsini yerinə yetirərkən abonentin fiziki hücumuna məruz qalmış əməkdaşımız Ağamirzə Vəliyevə baş çəkdik. Zərərçəkmiş əməkdaşımızın sağlıq durumu və qayğıları ilə yaxından maraqlandıq. Sonra Birliyin əməkdaşı Ağamirzə Vəliyevi “Azəriqaz” İB-də faydalı işinə, nümünəvi əmək failiyyətinə və Həmkarlar İttifaqı hərəkatında fəal iştirakına görə tərəfimizdən Fəxri Fərman və qiymətli hədiyyə ilə təltif olundu. Ağamirzə Vəliyevə tezliklə sağlıq durumunun düzəlməsini və yenidən işinə qayıtmasını arzulayıram. Bir daha bildirmək istəyirəm ki, əməkdaşlarımıza qarşı olunan bu hal yolverilməzdir!
