Qadın hüquqlarının qorunması dövlət siyasətinin ayrılmaz tərkib hissəsidir.
Müasir cəmiyyətin inkişaf səviyyəsi, ilk növbədə, insan hüquq və azadlıqlarının necə qorunması ilə ölçülür. Bu hüquqların mühüm istiqamətlərindən biri də qadın hüquqlarının təmin olunmasıdır. Qadınların sosial, iqtisadi və siyasi həyatda bərabər iştirakının təmin edilməsi dövlət siyasətinin əsas prioritetlərindən biri hesab olunur. Qadınlar cəmiyyətin inkişafında, ailə institutunun möhkəmlənməsində və gələcək nəslin tərbiyəsində mühüm rol oynayırlar. Buna görə də onların hüquqlarının qorunması, gender bərabərliyinin təmin edilməsi və qadınların hərtərəfli inkişafı üçün əlverişli şərait yaradılması dövlətin qarşısında duran vacib vəzifələrdəndir. Dövlət tərəfindən qəbul edilən qanunlar, proqramlar və strategiyalar qadınların hüquqlarının qorunmasına və onların cəmiyyət həyatında fəal iştirakına geniş imkanlar yaradır.
Son illərdə qadınların təhsil almaq, işləmək, sahibkarlıq fəaliyyəti ilə məşğul olmaq və idarəetmə orqanlarında təmsil olunmaq imkanları xeyli genişlənmişdir. Qadın sahibkarlığının inkişafı, onların əmək bazarında fəallığının artırılması və sosial müdafiəsinin gücləndirilməsi istiqamətində mühüm addımlar atılır. Eyni zamanda məişət zorakılığı ilə mübarizə, qadınların hüquqi maarifləndirilməsi və gender bərabərliyinin təşviqi istiqamətində müxtəlif layihələr həyata keçirilir.
Qadın hüquqlarının qorunması yalnız dövlət qurumlarının deyil, bütövlükdə cəmiyyətin məsuliyyətidir. Ailə, təhsil müəssisələri, qeyri-hökumət təşkilatları və media bu istiqamətdə mühüm rol oynayır. Cəmiyyətdə qadına hörmət və bərabər münasibətin formalaşdırılması sağlam sosial mühitin yaranmasına xidmət edir.
Nəticə etibarilə, qadın hüquqlarının qorunması və gender bərabərliyinin təmin edilməsi dövlət siyasətinin ayrılmaz hissəsi olmaqla yanaşı, cəmiyyətin davamlı inkişafının da vacib şərtidir. Qadınların potensialının tam reallaşdırılması ölkənin sosial-iqtisadi tərəqqisinə, demokratik dəyərlərin möhkəmlənməsinə və gələcək nəsillərin daha sağlam və güclü yetişməsinə töhfə verir.
Zərdab rayon Gəlmə kənd sakini-Nicat Hüseynov
