ABŞ-ın İranın nüvə obyektlərinə qarşı həyata keçirdiyi hərbi əməliyyat – “Gecəyarısı çəkici” (Midnight Hammer) adlı hava zərbəsi 15 ilə yaxın davam edən hərbi və texnoloji hazırlığın nəticəsi olub.
Qanunla.az xəbər verir ki, bu barədə ABŞ Hərbi Komandanlığına istinadla “Reuters” agentliyi məlumat yayıb.
Komandanlığın verdiyi məlumata görə, əməliyyat yüksək dəqiqliklə və uzunmüddətli planlamaya əsasən həyata keçirilib. Müdafiə Təhlükəsinin Azaldılması Agentliyi İranın strateji obyektlərinin zəif tərəflərini müəyyən edərək, zərbələrin hədəf seçimini formalaşdırıb.
“Bu, 15 illik inanılmaz bir işin kulminasiya nöqtəsidir. Pilotlar, yanacaq tankerləri, silah sistemləri üzrə mütəxəssislər və digər sahələr üzrə peşəkarlar bu əməliyyatda iştirak edib”, – deyə məlumatda qeyd olunub.
