“Ailə üzvlərimlə əlaqə yaradıram. Hələlik vəziyyət normaldır. Oğlum həkim kimi hələ də müharibə bölgəsindədir. Odun-alovun içindədir. Vertolyotla düşürlər, yaralıları götürüb qalxırlar. Vertolyot təhlükəlidir, Allah eləməsin, vursalar, həmin dəqiqə parça-parça ola bilər. Hazırda İsraillə Səudiyyə Ərəbistanı və ABŞ arasında Qəzzada sülhməramlıların yerləşdirilməsi barədə danışıqlar gedir. Türkiyənin də sülhməramlıların arasında olmasını istəyirlər. Əslində, bu konfliktlər böyük dövlətlərə lazımdır ki, öz istəklərini həyata keçirsinlər. İsrail-Fələstin konflikti də məhz böyük dövlətlərin istəyi idi. Nəticədə isə hər iki tərəfdə insanlar ölür, evlər dağılır. Eşitdiyimə görə, İsrail də müharibənin bitməsini istəyir, uşaqların məhv olmasını istəmir. Qəzzanın vəziyyyəti göz önündədir. Qəzza olsun, amma HAMAS, Hizbullah, PKK olmasın. Terrorçu qruplaşmaların kökü birdəfəlik kəsilməlidir. Yoxsa mütəmadi baş qaldıracaqlar, böyük dövlətlər də bundan öz maraqları üçün istifadə edəcəklər. Yazırlar ki, HAMAS “milli mücadilə aparır”. Milli mücadilə aparan öz millətini öldürtməz. HAMAS millətini qırğına verdi. Eyni şeyi PKK edir. Bu gün Türkiyədə HAMAS-ın milli mücadilə apardığını deyənlərə sual vermək lazımdır ki, PKK da milli mücadilə apardığını, Kürdüstan yaratmaq istədiyini deyir. HAMAS-dan nə fərqi var? Hamısı terror təşkilatıdır, onların qoltuqlarını doldurmaq olmaz. Nə qədər məhmətcik PKK ilə mübarizədə şəhid olub. Buna görə də mübrizəni dövlərlərlə yox, terrorçularla aparmaq lazımdır”.
Bu sözləri Qanunla.az-a açıqlamasında hüquq müdafiəçisi Novella Cəfəroğlu deyib.
O bildirib ki, hazırda ərəb dövlətləri də HAMAS-ı sevmir: “Sevsəydilər, yanında durardılar. Deməli, ziyanverici təşkilatdır. İranın isə istəyi budur ki, dünya qarışsın, ABŞ-nin fikri başqa yerə yönəlsin. Aranı qızışdıran elə İran olub. Həmin İrandır – olmayan şiə qanunları ilə öz millətini öldürən, ermənini qucağında saxlayan, dəstək verən, ermənini 30 il bizə qarşı yönəldən, kəndlərimizi talayan, Füzulinin daşına qədər aparan İran. Bu, müsəlmanlıqdır? “Quran”da belə şeylər yazılıb ki, öz qardaşına düşmən ol? Çıxışlardan görürəm ki, İsraildə Baş nazir Binyamin Netanyahuya qarşı cidid etirazlar var. Deyirlər ki, sən bunu əvvəlcədən bilməli idin, qarşısını almalı idin. Yəhudilər demokratikdirlər, 100% əminəm ki, müharibə bitən kimi Netanyahunun istefasını tələb edəcəklər. Netanyahunun başı ayrı işlərə qarışdı. Əllərində hər bir imkan var idi ki, HAMAS-ın qarşısını alsınlar. Sülh istəyirik, uşaqlar ölməsinlər, nə o tərəfdə, nə də bu tərəfdə… Qoy həm Avropa, həm də müsəlman dövlətlərindən sülhməramlılar Qəzzada yerləşdirilsinlər. Bizim ölkə müharibədə dünyaya gözəl nümunə göstərdi. Heç bir mülki vətəndaşa burnu qanamadan öz torpaqlarını azad etdi. Buna görə də Prezidentimizə, Ordumuza böyük alqış düşür. Buna baxmayaraq, hər an hazır olamlıyıq. Çünki İranın ağzından bir söz, erməninin ağzından başqa söz çıxır. Dağıstanda da nə oyun çıxardıqlarını gördünüz. Biz ancaq öz qüvvəmizə güvənməli, içimizdə birlik olmalı, bizə dostluq münasibəti göstərənlərlə də həmişə dost olmalıyıq”.
