Tovuzda yaşayan E. Rzayevin “TikTok”da canlı yayım zamanı nalayiq ifadələr işlətməsi ilə bağlı polis tərəfindən tədbir görülüb.
“Qanunla.az”ın əldə etdiyi məlumata görə, məlum olub ki, Elşən Rzayev efirə ağır dərəcəli sərxoş vəziyyətdə çıxıb və cəmiyyətə qarşı hörmətsizlik nümayiş etdirən, qeyri-etik paylaşımlar edib.
Onun barəsində İnzibati Xətalar Məcəlləsinə uyğun protokol tərtib edilərək məhkəməyə göndərilib.
E.Rzayev izahatında etdiyi hərəkətlərdən peşman olduğunu desə də, məhkəmənin qərarına əsasən ona 25 sutka inzibati həbs verilib.
Orxan Rasifoğlu
