2 iyul 2025-ci il tarixindən etibarən Rusiyanın “Fabrika Nastoyaşcheqo Morojenoqo” MMC-nin (Korovka) istehsalı olan “Eskimo Plombir Vanilla Chocolate Cream Glaze” dondurmasının Ermənistana idxalına qadağa qoyulub.
Qanunla/az xəbər verir ki, bu barədə erməni KİV məlumat yayıb.
Qida Təhlükəsizliyinə Nəzarət Qurumu riskinin qiymətləndirilməsi əsasında bu qərar qəbul edilib.
Xatırladaq ki, bu məhsulun partiyasında bakteriya (ECB) aşkar edilib. Partiyanın satışının qadağan edilməsi, geri çağırılması, məhv edilməsi və ya utilizasiyası barədə əmr verilib.
