Peru hökuməti 6 min barrel xam neftin dənizə töküldüyü sahil bölgələrində 90 günlük ekoloji fövqəladə vəziyyət elan edib.
Qanunla.az xəbər verir ki, bu barədə Perunun Ətraf Mühit Nazirliyi məlumat yayıb.
Nazirlik sızmanın dəniz ekosisteminə əhəmiyyətli təsir göstərdiyini açıqlayıb.
Nazirlik ictimaiyyətin sağlamlığı üçün yüksək risk yaradan sızma səbəbilə fövqəladə vəziyyət elan etməli olduqlarını bildirib.
Qeyd edək ki, neft sızması yanvarın 15-də 965 min barrel xam neftlə yüklənmiş İtaliyanın “Mare Doricum” gəmisinin boşaldılması zamanı baş verib.
