“Azərbaycan Respublikasının Konstitusiyası Günü”
Azərbaycan Respublikasının Konstitusiyası xalqın suveren iradəsini, dövlət müstəqilliyini və vətəndaş azadlıqlarını təmin edən ali hüquqi sənəddir. 12 noyabr 1995-ci ildə ümumxalq səsverməsi – referendum yolu ilə qəbul edilmiş bu sənəd, müstəqil Azərbaycanın tarixində mühüm dönüş nöqtəsi olmuşdur. Konstitusiyanın qəbulu dövlətçiliyimizin hüquqi əsaslarını möhkəmləndirmiş, vətəndaş-dövlət münasibətlərini yeni mərhələyə yüksəltmişdir. Bu gün hər il 12 noyabr ölkəmizdə Azərbaycan Respublikasının Konstitusiya Günü kimi qeyd olunur və bu tarix müstəqil dövlətimizin siyasi-hüquqi müstəqilliyinin rəmzinə çevrilmişdir.
Konstitusiya Azərbaycanın ali qanunu kimi insan hüquq və azadlıqlarını, dövlət hakimiyyətinin bölünməsi prinsipini, demokratik idarəetmə sistemini təsbit edir. Ulu Öndər Heydər Əliyevin rəhbərliyi ilə hazırlanan bu sənəd milli dövlət quruculuğunun hüquqi bazasını formalaşdırmışdır. Onunla Azərbaycanın gələcək inkişaf istiqamətləri müəyyən olunmuş, hüquqi dövlət və vətəndaş cəmiyyəti quruculuğuna bünövrə qoyulmuşdur. Konstitusiya xalqın iradəsinin ifadəsi, milli birliyin və müstəqilliyin hüquqi təminatıdır.
Prezident İlham Əliyevin qeyd etdiyi kimi, müasir Azərbaycanın inkişafı, iqtisadi sabitliyi və siyasi sabitliyi məhz hüquqi dövlət prinsiplərinə əsaslanır. Konstitusiyamız zamanla dövrün tələblərinə uyğun olaraq təkmilləşdirilmiş, islahatlar nəticəsində onun maddələrinə yeni sosial-siyasi məzmun əlavə edilmişdir. Bu dəyişikliklər ölkəmizin dinamik inkişafını, insan amilinə verilən dəyəri və demokratik idarəetməni daha da gücləndirmişdir.
Bu gün Azərbaycan xalqı öz Konstitusiyasına sadiq qalaraq, onun prinsipləri əsasında daha güclü, hüquqi və demokratik dövlət qurur. Hər bir vətəndaş üçün bu gün yalnız bayram deyil, həm də dövlətə sədaqət, qanuna hörmət və vətəndaş məsuliyyəti günüdür. Konstitusiyamızın ruhu – müstəqillik, azadlıq və ədalət – daim yaşasın, çünki bu sənəd Azərbaycanın əbədi dövlətçiliyinin hüquqi zəmanətidir.
Zərdab rayon Gəlmə kənd sakini- Səmədov Səmid
