Amerika Birləşmiş Ştatları ilə strateji tərəfdaş olmaq təkcə siyasi və iqtisadi maraqların uzlaşması deyil, həm də ortaq dəyərlər deməkdir
Müasir beynəlxalq münasibətlər sistemində dövlətlərin inkişafı və təhlükəsizliyi böyük ölçüdə onların qurduğu strateji tərəfdaşlıqlardan asılıdır. Qloballaşan dünyada siyasi sabitlik, iqtisadi tərəqqi, təhlükəsizlik və innovativ inkişaf beynəlxalq əməkdaşlıq olmadan mümkün deyil. Bu baxımdan, dünyanın ən qüdrətli dövlətlərindən biri olan Amerika Birləşmiş Ştatları ilə strateji tərəfdaşlıq münasibətlərinə malik olmaq hər bir ölkə üçün böyük əhəmiyyət və xüsusi önəm daşıyır.
ABŞ bu gün dünya iqtisadiyyatının aparıcı gücüdür. Onun inkişaf etmiş sənayesi, yüksək texnologiyaları, innovasiya potensialı və güclü maliyyə sistemi qlobal iqtisadi proseslərə istiqamət verir. ABŞ ilə əməkdaşlıq iqtisadiyyatın şaxələndirilməsi, xarici investisiyaların cəlb edilməsi, yeni texnologiyaların tətbiqi və müasir idarəetmə təcrübəsinin öyrənilməsi baxımından geniş imkanlar açır. Xüsusilə enerji, informasiya texnologiyaları, nəqliyyat, kənd təsərrüfatı və təhsil sahələrində əməkdaşlıq ölkələrin davamlı inkişafına mühüm töhfə verir.
Strateji tərəfdaşlıq yalnız iqtisadi sahə ilə məhdudlaşmır. Təhlükəsizlik və müdafiə sahəsində əməkdaşlıq da xüsusi əhəmiyyət kəsb edir. ABŞ-ın güclü hərbi potensialı və təhlükəsizlik sahəsindəki təcrübəsi regional və qlobal sabitliyin qorunmasına xidmət edir. Terrorizmə, transmilli cinayətkarlığa və digər qlobal təhdidlərə qarşı birgə mübarizə dövlətlər arasında etimadı daha da möhkəmləndirir. Bu əməkdaşlıq həm də beynəlxalq hüququn və ədalətin qorunmasına yönəlmiş ortaq səyləri gücləndirir.
Bununla yanaşı, ABŞ demokratiya, insan hüquqları və qanunun aliliyi kimi fundamental dəyərlərin təşviqində mühüm rol oynayır. Bu prinsiplər müasir dövlət quruculuğunun əsasını təşkil edir. Strateji tərəfdaşlıq çərçivəsində aparılan dialoq və təcrübə mübadiləsi idarəetmənin təkmilləşdirilməsinə, vətəndaş cəmiyyətinin inkişafına və hüquqi islahatların həyata keçirilməsinə müsbət təsir göstərir.
Təhsil və mədəniyyət sahəsində əməkdaşlıq da münasibətlərin mühüm istiqamətlərindən biridir. ABŞ universitetləri və elmi mərkəzləri dünya miqyasında tanınır. Tələbə mübadilə proqramları, birgə elmi layihələr və təqaüd imkanları gənc nəslin inkişafına, yeni bilik və bacarıqlar qazanmasına şərait yaradır. Bu isə ölkələrin gələcək inkişafı üçün möhkəm insan kapitalının formalaşmasına xidmət edir.
Amerika Birləşmiş Ştatları ilə strateji tərəfdaş olmaq təkcə siyasi və iqtisadi maraqların uzlaşması deyil, həm də ortaq dəyərlər və uzunmüddətli əməkdaşlıq perspektivləri deməkdir. Bu münasibətlər qarşılıqlı hörmət, etimad və fayda prinsiplərinə əsaslanaraq inkişaf edir. Dünyanın ən qüdrətli ölkəsi ilə qurulan belə bir tərəfdaşlıq hər bir dövlət üçün həm böyük məsuliyyət, həm də böyük şərəfdir. Bu əməkdaşlıq sabitlik, rifah və davamlı inkişaf naminə atılan mühüm addımdır.
Nailə Əliyeva Zərdab rayon Mərkəzləşdirilmiş Kitabxana Sisteminin direktoru
