Zərdab şəhər Heydər Əliyev Mərkəzində keçirilən görüş zamanı seçki dairəsinə daxil olan hər bir şəhər və kənd sakinləri iştirak ediblər. Vətəndaşların qəbulu zamanı seçicilərlə fərdi qaydada görüşən Millət vəkili Jalə Əliyeva,Icra hakimiyyətinin məsul şəxsi Xəyalə Veyisova və ƏƏSMN-nin Zərdab şəhər şöbəsinin məsul şəxsi Şəhriyar Şükürov və deputatın köməkçisi Firdosi Eyvazov onların müraciət və təkliflərini dinləyib, problemləri ilə maraqlanıb.
Qanunla.Az xəbər verir ki, seçicilər tərəfindən səsləndirilən müraciətlər əsasən, məşğulluq, sosial məsələlər, və mənzil-məişət şəraitinin yaxşılaşdırılması ilə bağlı məsələlər olub. Müraciətlərin bir hissəsi yerindəcə həllini tapıb,Millət vəkilinin səlahiyyətlərinə aid olan məsələlər Jalə Əliyeva tərəfindən nəzarətə götürülüb və həlli üçün müvafiq addımlar atılması üçün qeydiyyata alınıb.
Görüş sonu sakinlər tərəfindən qaldırılan məsələlərə dair araşdırmanın aparılacağı və qeyd olunan problemlərin həlli istiqamətində müvafiq addımların atılacağı seçicilərin diqqətinə çatdırılıb.
Vüqar Rəhimov
