image-qanunla-reklam
image-1655469903-belediyye1-1

“Bələdiyyələrin sayı kəskin azaldılmalıdır” – Deputat

image-lady-day-az

“İslahatlar dinamik prosesdir. Prezident İlham Əliyev islahatlara meylli və daim islahatlar aparan Lider kimi tanınıb”.

Bunu “Qanunla.az”a açıqlamasında deputat Nəsib Məhəməliyev deyib.  Deputat bildirib ki, yerli idarəetmə sistemində, eyni zamanda özünü idarəetmə orqanlarında struktur islahatları davam etdirilməlidir.

“Ümumiyyətlə, istər mərkəzi, istərsə yerli orqanlarda aparılan islahatların kökündə bazar iqtisadiyyatının prinsipləri əsas götürülməlidir. Dövlət və yerli büdcələrin formalaşmasında donor rolunu oynamalı olan mərkəzi icra orqanlarının, səhmdar cəmiyyətlərin nəinki özünümaliyyələşdirməsi təmin olunmalı, eyni zamanda rentabelli olmalıdırlar.  Menecmentin düzgün təşkil olunmaması səbəbindən bir çox səhmdar cəmiyyətlər ziyanla işləyir. Əlavə olaraq, xaricdən alınan kreditlərə və dövlət büdcəsindən ayırmalara görə xeyli borclanmaya gedirlər. Son vaxtlar ölkə başçısının ciddi nəzarərtinə görə vəziyyət düzəlmək üzrədir”.

Deputat qeyd edib ki, ölkəmizdə bələdiyyələrin sayı kəskin azaldılmalı, birləşdirilməlidir.

“Hər rayonda 5 və yaxud 6 iri bələdiyyələrin olması kifayətdir. Elə etmək lazımdır ki, bələdiyyələrin normal fəaliyyət göstərməsi, yerli əhəmiyyətli sosial problemlərin həlli üçün iqtisadi əsaslar olsun. Bələdiyyə kadrlarının hazırlanmasına fikir verilməlidir. Hər şeyi dövlətin üzərinə atmaq doğru deyil. Hesab edirəm ki, yerli imkanlardan və əmək resurslarından səmərəli  istifadə etməklə, bir çox problemlərin həllinə nail olmaq mümkündür. Bu zaman dövlət də izafi xərclərdən azad olar”.


  • whatsapp
  • messenger
  • telegram
  • vkontakte
  • odnoklassniki

image-huquq-az-logo